اے مصور یاد کی تصویر کھینچا چاہئے

اے مصور یاد کی تصویر کھینچا چاہئے

ہاتھ میرا اس کا دامن گیر کھینچا چاہئے

مجھ سے بسمل کی اگر تصویر کھینچا چاہئے

یہ گلا میرا تہہ شمشیر کھینچا چاہئے

بستۂ زلف مسلسل ہے یہ دل صورت گرو

دونوں جانب اس کے دو زنجیر کھینچا چاہئے

رنگ زرد عاشقاں کر صرف جائے زعفراں

اس بسنتی پوش کی تصویر کھینچا چاہئے

کاغذ ابری پہ لکھ حال دل پر سوز عشق

گرد اس کے برق کی تحریر کھینچا چاہئے

ai musawwir yad ki taswir khincha chahiye

hath mera us ka daman gir khincha chahiye

mujh se bismil ki agar taswir khincha chahiye

ye gila mera tah-e-shamshir khincha chahiye

basta-e-zulf-e-musalsal hai ye dil surat giro

donon janib us ke do zanjir khincha chahiye

rang-e-zard-e-ashiqan kar sirf jae zaafran

is basanti posh ki taswir khincha chahiye

kaghaz-e-ubri pe likh hal-e-dil pur soz-e-ishq

gard us ke barq ki tahrir khincha chahiye