اے زلف اس کے منہ سے تو تو لپٹ رہی ہے

اے زلف اس کے منہ سے تو تو لپٹ رہی ہے

گیسو کو کاٹیو مت وہ آپ کٹ رہی ہے

ہو کس طرح میسر اس بحر حسن کی سیر

ابرو کی ایک کشتی سو بھی الٹ رہی ہے

دل دینے کی حقیقت ہم خوب جانتے ہیں

ہے غم کسی کا اس کو جو زلف لٹ رہی ہے

محروم ہم ہی ہیں اس مہماں سرا میں ورنہ

کس کس طرح کی نعمت خلقت کو بٹ رہی ہے

خالی نہیں خلل سے ؔجوشش یہ خیبر دل

دن رات موج غم کی اس سے چمٹ رہی ہے

ai zulf us ke munh se to to lipat rahi hai

gesu ko katiyo mat wo ap kat rahi hai

ho kis tarah muyassar is bahr husn ki sair

abru ki ek kashti so bhi ulat rahi hai

dil dene ki haqiqat ham khub jante hain

hai gham kisi ka us ko jo zulf lut rahi hai

mahrum ham hi hain is mehman sara mein warna

kis kis tarah ki nemat khilqat ko bat rahi hai

khali nahin khalal se joshish ye khaibar dil

din rat mauj-e-gham ki us se chimat rahi hai