اے عشق تو نے واقف منزل بنا دیا

اے عشق تو نے واقف منزل بنا دیا

اب مرحلوں کو اور بھی مشکل بنا دیا

اللہ رے شوق قیس کی جلوہ طرازیاں

اکثر غبار دشت کو محمل بنا دیا

میں غرق ہو رہا تھا کہ طوفان عشق نے

اک موج بے قرار کو ساحل بنا دیا

ہم نے اک آہ سرد کو شمع سحر کے ساتھ

روداد ناتمام کا حاصل بنا دیا

اے دل یہ سب امیر سخنور کا فیض ہے

ذرہ کو جس نے جوہر قابل بنا دیا

ai ishq tu ne waqif-e-manzil bana diya

ab marhalon ko aur bhi mushkil bana diya

allah re shauq qais ki jalwa taraziyan

aksar ghubar-e-dasht ko mahmil bana diya

main gharq ho raha tha ke tufan-e-ishq ne

ik mauj-e-be qarar ko sahil bana diya

ham ne ik ah-e-sard ko sham-e-sahar ke sath

rudad natamam ka hasil bana diya

ai dil ye sab amir sukhanwar ka faiz hai

zarra ko jis ne jauhar-e-qabil bana diya