اگر شمع ہوئے تو گل گئے ہم

اگر شمع ہوئے تو گل گئے ہم

جو پروانہ ہوئے تو جل گئے ہم

پڑے آ کر فلک کے آسیا میں

مثال دانہ ہائے دل گئے ہم

کسی صورت نہ پایا ہم نے آرام

یہاں سے واں کے تئیں بے کل گئے ہم

نہ یاں سے لے گئے نہ واں سے لائے

کف افسوس ناحق مل گئے ہم

طلسمات جہاں کا دیکھ ظاہر

طرف معنی کے اب اوجھل گئے ہم

چلے آئے تھے تاریکی سے لیکن

پہ چلتے وقت لے مشعل گئے ہم

نہ آیا ہاتھ وہ دیر و حرم میں

ملا جب دل کے در مندل گئے ہم

اگر سمجھو گے معنی شیخ صاحب

گئے پر تم کو کر قائل گئے ہم

رہے گا نام افریدیؔ کا تا حشر

ہمیں تھے جو کہ لا طائل گئے ہم

agar shama hue to gul gae ham

jo parwana hue to jal gae ham

pare a kar falak ke asiya mein

misal-e-dana hae dil gae ham

kisi surat na paya ham ne aram

yahan se wan ke tain be kal gae ham

na yan se le gae na wan se lae

kaf-e-afsos nahaq mil gae ham

tilismat jahan ka dekh zahir

taraf maani ke ab ojhal gae ham

chale ae the tariki se lekin

pe chalte waqt le mashal gae ham

na aya hath wo dair-o-haram mein

mila jab dil ke dar mandal gae ham

agar samjhoge maani shaikh sahab

gae par tum ko kar qail gae ham

rahega nam afredi ka ta hashr

hamen the jo ke la tail gae ham