اگر وہ گلبدن مجھ پاس ہو جاوے تو کیا ہووے

اگر وہ گلبدن مجھ پاس ہو جاوے تو کیا ہووے

زمین دل میں تخم عشق بو جاوے تو کیا ہووے

صنم تجھ زلف کے زنار کے رشتے میں آ زاہد

اپس کے سبحہ گردانی کوں کھو جاوے تو کیا ہووے

پلا جام شراب عیش وو ساقیٔ بزم آرا

غبار غم کوں لوح دل سوں ہو جاوے تو کیا ہووے

بیاں کرتا ہوں میں تجھ زلف مشکیں کا صنم نس دن

ختن میں گر سخن میرے کی بو جاوے تو کیا ہووے

سدا مشق جنون عشق میں رہتا ہے سودائی

اگر داؤدؔ کی یو زشت خو جاوے تو کیا ہووے

agar wo gulbadan mujh pas ho jawe to kya howe

zamin-e-dil mein tukhm-e-ishq bu jawe to kya howe

sanam tujh zulf ke zunnar ke rishte mein a zahid

apas ke subha gardani kun kho jawe to kya howe

pila jam-e-sharab-e-aish wo saqi-e-bazm ara

ghubar-e-gham kun lauh-e-dil sun ho jawe to kya howe

bayan karta hun main tujh zulf-e-mushkin ka sanam nas din

khutan mein gar sukhan mere ki bu jawe to kya howe

sada mashq-e-junun-e-ishq mein rahta hai saudai

agar daud ki yu zisht khu jawe to kya howe