اگر تم دل ہمارا لے کے پچھتائے تو رہنے دو

اگر تم دل ہمارا لے کے پچھتائے تو رہنے دو

نہ کام آئے تو واپس دو جو کام آئے تو رہنے دو

مرا رہنا تمہارے در پہ لوگوں کو کھٹکتا ہے

اگر کہہ دو تو اٹھ جاؤں جو رحم آئے تو رہنے دو

کہیں ایسا نہ کرنا وصل کا وعدہ تو کرتے ہو

کہ تم کو پھر کوئی کچھ اور سمجھائے تو رہنے دو

دل اپنا بیچتا ہوں واجبی دام اس کے دو بوسے

جو قیمت دو تو لو قیمت نہ دی جائے تو رہنے دو

دل مضطرؔ کی بیتابی سے دم الجھے تو واپس دو

اگر مرضی بھی ہو اور دل نہ گھبرائے تو رہنے دو

agar tum dil hamara le ke pachhtae to rahne do

na kam ae to wapas do jo kam ae to rahne do

mira rahna tumhare dar pe logon ko khatakta hai

agar kah do to uth jaun jo rahm ae to rahne do

kahin aisa na karna wasl ka waada to karte ho

ke tum ko phir koi kuchh aur samjhae to rahne do

dil apna bechta hun wajibi dam us ke do bose

jo qimat do to lo qimat na di jae to rahne do

dil-e-muztar ki betabi se dam uljhe to wapas do

agar marzi bhi ho aur dil na ghabrae to rahne do