اگر گل میں پیارے تری بو نہ ہووے

اگر گل میں پیارے تری بو نہ ہووے

وہ منظور بلبل کسی رو نہ ہووے

ترے بن تو فردوس مجھ کو جہنم

قیامت ہو مجھ پر اگر تو نہ ہووے

ہو اس بزم میں شمع کب رونق افزا

جہاں محفل افروز مہ رو نہ ہووے

یہ آئینہ لے جا کے پتھر سے پھوڑوں

پری کا اگر درمیاں رو نہ ہووے

مہکتی ہے زلف سیہ اس کی ہر رات

کہیں اس میں عشقؔ عطر شبو نہ ہووے

agar gul mein pyare tiri bu na howe

wo manzur bulbul kisi ro na howe

tire bin to firdaus mujh ko jahannam

qayamat ho mujh par agar to na howe

ho is bazm mein shama kab raunaq afza

jahan mahfil afroz mah ru na howe

ye aina le ja ke patthar se phorun

pari ka agar darmiyan ro na howe

mahakti hai zulf-e-siyah us ki har rat

kahin is mein ishq itr shabu na howe