اگر ثابت قدم ہو عشق میں جیوں شمع جل سکیے

اگر ثابت قدم ہو عشق میں جیوں شمع جل سکیے

مقابل تند خو کی تیغ ابرو کے سنبھل سکیے

ہمارے اشک خونیں نے حنائی رنگ لایا ہے

ارے دل اس کے پاؤں پر یہ آنکھیں اب تو مل سکیے

پلک سے جس طرح آنسو گزر جاتا ہے اک پل میں

صراط اوپر خدا کا فضل شامل ہو تو چل سکیے

نکلنا صید کا صیاد کے پھاندے سے مشکل ہے

نہیں آسان اے دل دام دنیا سے نکل سکیے

لگی جب شمع کی سی طرح آتش عشق کے سر کو

تصور شعلہ رو کا باندھ کر جل جل پگھل سکیے

agar sabit qadam ho ishq mein jyun shama jal sakiye

muqabil tund khu ki tegh-e-abru ke sambhal sakiye

hamare ashk-e-khunin ne hinai rang laya hai

are dil us ke paon par ye ankhen ab to mil sakiye

palak se jis tarah ansu guzar jata hai ik pal mein

sirat upar khuda ka fazl shamil ho to chal sakiye

nikalna said ka sayyad ke phande se mushkil hai

nahin asan ai dil dam duniya se nikal sakiye

lagi jab shama ki si tarah atish ishq ke sar ko

tasawwur shola ro ka bandh kar jal jal pighal sakiye