اگر عاشق کوئی پیدا نہ ہوتا

اگر عاشق کوئی پیدا نہ ہوتا

تو معشوقوں کا یہ چرچا نہ ہوتا

گریباں چاک کر روتے کہاں ہم

اگر یہ دامن صحرا نہ ہوتا

سدا رہتی توقع بلبلوں کو

اگر یہ غنچۂ گل وا نہ ہوتا

جدائی میں اگر آنکھیں نہ روتیں

تو ہرگز راز دل افشا نہ ہوتا

فغاںؔ کون اب خریدار سخن تھا

اگر یہ حضرت سوداؔ نہ ہوتا

agar ashiq koi paida na hota

tu maashuqon ka ye charcha na hota

gareban chak kar rote kahan ham

agar ye daman-e-sahra na hota

sada rahti tawaqqo bulbulon ko

agar ye ghuncha-e-gul wa na hota

judai mein agar ankhen na rotin

tu hargiz raz-e-dil ifsha na hota

fughan kaun ab kharidar-e-sukhan tha

agar ye hazrat-e-sauda na hota