اگر اپنی چشم نم پر مجھے اختیار ہوتا

اگر اپنی چشم نم پر مجھے اختیار ہوتا

تو بھلا یہ راز الفت کبھی آشکار ہوتا

ہے تنک مزاج صیاد کچھ اپنا بس نہیں ہے

میں قفس کو لے کے اڑتا اگر اختیار ہوتا

یہ ذرا سی اک جھلک نے دل و جاں کو یوں جلایا

تری برق حسن سے پھر کوئی کیا دو چار ہوتا

اجی توبہ اس گریباں کی بھلا بساط کیا تھی

یہ کہو کہ ہاتھ الجھا نہیں تار تار ہوتا

وہ نہ آتے فاتحہ کو ذرا مڑ کے دیکھ لیتے

تو ہجوم یاسؔ اتنا نہ سر مزار ہوتا

agar apni chashm-e-nam par mujhe ikhtiyar hota

tu bhala ye raz-e-ulfat kabhi ashkar hota

hai tunuk mizaj sayyad kuchh apna bas nahin hai

main qafas ko le ke urta agar ikhtiyar hota

ye zara si ik jhalak ne dil-o-jan ko yun jalaya

tiri barq-e-husn se phir koi kya do char hota

aji tauba is gareban ki bhala bisat kya thi

ye kaho ke hath uljha nahin tar tar hota

wo na ate fatiha ko zara mur ke dekh lete

tu hujum yas itna na sar-e-mazar hota