اگر انکھیوں سیں انکھیوں کو ملاؤ گے تو کیا ہوگا

اگر انکھیوں سیں انکھیوں کو ملاؤ گے تو کیا ہوگا

نظر کر لطف کی ہم کوں جلاؤ گے تو کیا ہوگا

تمہارے لب کی سرخی لعل کی مانند اصلی ہے

اگر تم پان اے پیارے نہ کھاؤ گے تو کیا ہوگا

محبت سیں کہتا ہوں طور بد نامی کا بہتر نہیں

اگر خندوں کی صحبت میں نہ جاؤ گے تو کیا ہوگا

تمہارے شوق میں ہوں جاں بلب اک عمر گزری ہے

اگر اک دم کوں آ کر مکھ دکھاؤ گے تو کیا ہوگا

مرا دل مل رہا ہے تم سوں پیارے باطنی ملنا

اگر ہم پاس ظاہر میں نہ آؤ گے تو کیا ہوگا

جگت کے لوگ سارے آبروؔ کوں پیار کرتے ہیں

اگر تم بھی گلے اس کوں لگاؤ گے تو کیا ہوگا

agar ankhiyon sin ankhiyon ko milaoge to kya hoga

nazar kar lutf ki ham kun jalaoge to kya hoga

tumhare lab ki surkhi laal ki manind asli hai

agar tum pan ai pyare na khaoge to kya hoga

mohabbat sin kahta hun tur bad nami ka behtar nahin

agar khandon ki sohbat mein na jaoge to kya hoga

tumhare shauq mein hun jan balb ik umr guzri hai

agar ik dam kun a kar mukh dikhaoge to kya hoga

mira dil mil raha hai tum sun pyare batini milna

agar ham pas zahir mein na aoge to kya hoga

jagat ke log sare abru kun pyar karte hain

agar tum bhi gale is kun lagaoge to kya hoga