اک خلق جو ہر سمت سے آئی ترے در پر

اک خلق جو ہر سمت سے آئی ترے در پر

آیا نظر انداز خدائی ترے در پر

تھی جس کی تمنا دل مشتاق کو ہر دم

وہ چیز اگر پائی تو پائی ترے در پر

عشاق کے آگے نہ لڑا غیروں سے آنکھیں

ڈر ہے کہ نہ ہو جائے لڑائی ترے در پر

دیکھی جو یہاں آ کے جھڑی ابر کرم کی

سب دل کی لگی ہم نے بجھائی ترے در پر

اس نفس ہی کمبخت نے روکا تھا شرفؔ کو

دشوار نہ تھی ورنہ رسائی ترے در پر

ik khalq jo har samt se ai tire dar par

aya nazar andaz-e-khudai tire dar par

thi jis ki tamanna dil mushtaq ko har dam

wo chiz agar pai to pai tire dar par

ushshaq ke age na lara ghairon se ankhen

dar hai ke na ho jae larai tire dar par

dekhi jo yahan a ke jhari abr-e-karam ki

sab dil ki lagi ham ne bujhai tire dar par

is nafas hi kambakht ne roka tha sharaf ko

dushwar na thi warna rasai tire dar par