اک قیامت ہے بپا شور دل دلگیر سے

اک قیامت ہے بپا شور دل دلگیر سے

اڑ گئے ٹکڑے فلک کے آہ کی تاثیر سے

راز الفت کے عیاں ہونے کا ڈر جاتا رہا

خامشی سیکھی ہے ہم نے بلبل تصویر سے

چھیڑتا ہے کس لیے ناصح اسیر زلف کو

دم الجھتا ہے تری الجھی ہوئی تقریر سے

کس کا دل زخمی کیا تو نے ستم گر کیا کیا

خوں ٹپکتا ہے لب سوفار و نوک تیر سے

خوف کیا گر ہوگا مجمع روز حشر اے ناصریؔ

میں اسے پہچان لوں گا خون دامن گیر سے

ik qayamat hai bapa shor-e-dil-e-dilgir se

ur gae tukre falak ke ah ki tasir se

raz-e-ulfat ke ayan hone ka dar jata raha

khamushi sikhi hai ham ne bulbul-e-taswir se

chherta hai kis liye naseh asir-e-zulf ko

dam-e-ulajhta hai tiri uljhi hui taqrir se

kis ka dil zakhmi kiya tu ne sitam gar kya kiya

khun tapakta hai lab-e-sofar-o-nok-e-tir se

khauf kya gar hoga majmaa roz-e-hashr ai nasiri

main use pahchan lunga khun-e-daman gir se