اڑا لیے ہیں کچھ ارباب گلستاں نے تو کیا
نہال سیوہارویاڑا لیے ہیں کچھ ارباب گلستاں نے تو کیا
ہزار شیوۂ نو ہیں مری فغاں کے لیے
زمین کوچۂ جاناں سے آ رہی ہے صدا
بلندیاں نہیں مخصوص آسماں کے لیے
ہے ختم حوصلہ مندی وجود آدم پر
ستیزۂ کار ہے فتح غم جہاں کے لیے
ہے سخت بے ادبی گر کہے فسانۂ عشق
ہر ایک بات مناسب نہیں زباں کے لیے
اندھیری رات تھکی ہمتیں کڑی منزل
سلامتی کی دعا مانگ کارواں کے لیے
سجائی فکر درخشاں نے میری بزم نجوم
تھی منتظر یہ زمیں ناز آسماں کے لیے
ura liye hain kuchh arbab-e-gulsitan ne to kya
hazar shewa-e-nau hain miri fughan ke liye
zamin-e-kucha-e-janan se a rahi hai sada
bulandiyan nahin makhsus asman ke liye
hai khatm hausla mandi wajud-e-adam par
satizeh-e-kar hai fath gham jahan ke liye
hai sakht be adabi gar kahe fasana-e-ishq
har ek bat munasib nahin zaban ke liye
andheri rat thaki himmaten kari manzil
salamti ki dua mang karwan ke liye
sajai fikr-e-darakhshan ne meri bazm-e-nujum
thi muntazir ye zamin naz asman ke liye