اک خلش سی ہے مجھے تقدیر سے
فرحت کانپوریاک خلش سی ہے مجھے تقدیر سے
الاماں اس خار دامن گیر سے
حسرت نظارہ کی تاثیر سے
پردہ اٹھا یار کی تصویر سے
شام غم کے رونے والے صبر کر
صبح بھی ہوگی تری تقدیر سے
ادعائے ضبط غم کرنا پڑا
تنگ آ کر آہ بے تاثیر سے
مجھ کو دیوانہ سمجھ لیں اہل ہوش
کیوں الجھتے ہیں مری زنجیر سے
دل نہیں اک آبلہ سینے میں ہے
اس نگاہ گرم کی تاثیر سے
ہوتی ہے تسکین فرحتؔ کچھ نہ کچھ
خوش ہوں اپنی آہ بے تاثیر سے
ik khalish si hai mujhe taqdir se
alaman is khar daman gir se
hasrat-e-nazzara ki tasir se
parda utha yar ki taswir se
sham-e-gham ke rone wale sabr kar
subh bhi hogi tiri taqdir se
iddia-e-zabt-e-gham karna para
tang a kar ah be tasir se
mujh ko diwana samajh len ahl-e-hosh
kyun ulajhte hain miri zanjir se
dil nahin ik abla sine mein hai
us nigah-e-garm ki tasir se
hoti hai taskin farhat kuchh na kuchh
khush hun apni ah be tasir se