اپنے عہد وفا کو بھول گئے

اپنے عہد وفا کو بھول گئے

تم تو بالکل خدا کو بھول گئے

کچھ نہ پوچھ انتہائے رنج فراق

درد پا کر دوا کو بھول گئے

ہم نے یاد بتاں میں دم توڑا

مرتے مرتے خدا کو بھول گئے

ان کی باتوں کو یاد کرتا ہوں

جو مری التجا کو بھول گئے

درمیانی تعلقات نہ پوچھ

ابتدا انتہا کو بھول گئے

ان سے دو دن بھی چاہ نبھ نہ سکی

مضطرؔ بے نوا کو بھول گئے

apne ahd-e-wafa ko bhul gae

tum to bilkul khuda ko bhul gae

kuchh na puchh intiha-e-ranj-e-firaq

dard pa kar dawa ko bhul gae

ham ne yad-e-butan mein dam tora

marte marte khuda ko bhul gae

un ki baton ko yad karta hun

jo miri iltija ko bhul gae

darmiyani taalluqat na puchh

ibtida intiha ko bhul gae

un se do din bhi chah nibh na saki

muztar-e-be nawa ko bhul gae