اپنے قاصد کو صبا باندھتے ہیں

اپنے قاصد کو صبا باندھتے ہیں

سچ ہے شاعر بھی ہوا باندھتے ہیں

پھر سر دست مرا خوں ہوگا

پھر وہ ہاتھوں میں حنا باندھتے ہیں

گٹھری پھولوں کی وہ ہو جاتی ہے

جن میں وہ اپنی قبا باندھتے ہیں

اجی دیکھیں دل عاشق تو نہیں

آپ آنچل میں یہ کیا باندھتے ہیں

اے سخیؔ آج تو کچھ خیر نہیں

وہ کمر ہو کے خفا باندھتے ہیں

apne qasid ko saba bandhte hain

sach hai shayar bhi hua bandhte hain

phir sar-e-dast mira khun hoga

phir wo hathon mein hina bandhte hain

gathri phulon ki wo ho jati hai

jin mein wo apni qaba bandhte hain

aji dekhen dil-e-ashiq to nahin

ap anchal mein ye kya bandhte hain

ai sakhi aj to kuchh khair nahin

wo kamar ho ke khafa bandhte hain