اٹھو زمانے کے آشوب کا ازالہ کریں

اٹھو زمانے کے آشوب کا ازالہ کریں

بنام گل بدناں رخ سوئے پیالہ کریں

بیاد دیدۂ مخمور پر پیالہ کریں

اٹھو کہ زہر کا پھر زہر سے ازالہ کریں

وہ رند ہیں نہ اٹھائیں بہار کا احساں

ورود ہم تری خلوت میں بے حوالہ کریں

کہاں کے دیر و حرم آؤ ایک سجدۂ شوق

بپائے ہوش ربایان بست سالہ کریں

برس پڑے جو گلستاں میں اس نظر سے شراب

بہک بہک کے ہم آگے سبوئے لالہ کریں

سبو اٹھا کہ گدایان کوئے مے خانہ

ترے حوالے مہ و مہر کا قبالہ کریں

حدیث زہد ہو یا واردات زہرہ مثال

کسی کے نام کو ہم زیب ہر مقالہ کریں

دکھا صحیفۂ رخ اس طرح کہ اہل بہار

ورق ورق بہ خجالت بیاض لالہ کریں

اٹھو جلا کے مے سرخ سے چراغ ابد

نشاط صحبت شب کو ہزار سالہ کریں

ادا وہ نیچی نگاہوں کی ہے کہ جیسے ظفرؔ

تلاش کنج غزالان خورد سالہ کریں

utho zamane ke ashob ka izala karen

banam-e-gul badanan rukh su-e-pyala karen

bead-e-dida-e-makhmur par pyala karen

utho ke zahr ka phir zahr se izala karen

wo rind hain na uthaen bahar ka ehsan

warod ham tiri khalwat mein be hawala karen

kahan ke dair-o-haram ao ek sajda-e-shauq

bapa-e-hosh rabayan bast sala karen

baras pare jo gulistan mein is nazar se sharab

bahak bahak ke ham age subu-e-lala karen

subu utha ke gadayan ku-e-mai khana

tire hawale mah-o-mehr ka qabala karen

hadis-e-zohd ho ya wardat-e-zohra misal

kisi ke nam ko ham zeb har maqala karen

dikha sahifa-e-rukh is tarah ke ahl-e-bahar

waraq waraq ba khijalat bayaz-e-lala karen

utho jala ke mai surkh se charagh-e-abad

nishat-e-sohbat-e-shab ko hazar sala karen

ada wo nichi nigahon ki hai ke jaise zafar

talash-e-kunj-e-ghazalan khurd sala karen