اپنی دھوپ میں بھی کچھ جل

اپنی دھوپ میں بھی کچھ جل

ہر سائے کے ساتھ نہ ڈھل

لفظوں کے پھولوں پہ نہ جا

دیکھ سروں پر چلتے ہل

دنیا برف کا تودا ہے

جتنا جل سکتا ہے جل

غم کی نہیں آواز کوئی

کاغذ کالے کرتا چل

بن کے لکیریں ابھرے ہیں

ماتھے پر راہوں کے بل

میں نے تیرا ساتھ دیا

میرے منہ پر کالک مل

آس کے پھول کھلے باقیؔ

دل سے گزرا پھر بادل

apni dhup mein bhi kuchh jal

har sae ke sath na dhal

lafzon ke phulon pe na ja

dekh saron par chalte hal

duniya barf ka toda hai

jitna jal sakta hai jal

gham ki nahin awaz koi

kaghaz kale karta chal

ban ke lakiren ubhre hain

mathe par rahon ke bal

main ne tera sath diya

mere munh par kalak mil

as ke phul khule baqi

dil se guzra phir badal