اٹھائیں گے کوئی تازہ قیامت تن کے بیٹھے ہیں

اٹھائیں گے کوئی تازہ قیامت تن کے بیٹھے ہیں

بگاڑیں گے ہزاروں گھر کہ وہ بن ٹھن کے بیٹھے ہیں

ہمارے قتل سے ناحق ہیں نادم اپنے گھر جائیں

جھکائے سر عبث اب سامنے مدفن کے بیٹھے ہیں

اٹھایا ہجر میں طوفان کیا کیا چشم گریاں نے

یہ دیکھو بام و در کیسے مرے مسکن کے بیٹھے ہیں

قسم کھائی تھی ملنے کی عدو کے کچھ تو شرماؤ

یہ تم بیٹھے ہو یا پہلو میں ہم دشمن کے بیٹھے ہیں

نکلنے ہی نہیں دیتے ہیں کانٹے دشت وحشت سے

پکڑنے والے ہر جانب مرے دامن کے بیٹھے ہیں

uthaenge koi taza qayamat tan ke baithe hain

bigarenge hazaron ghar ke wo ban than ke baithe hain

hamare qatl se nahaq hain nadim apne ghar jaen

jhukae sar abas ab samne madfan ke baithe hain

uthaya hijr mein tufan kya kya chashm-e-giryan ne

ye dekho bam-o-dar kaise mire maskan ke baithe hain

qasam khai thi milne ki adu ke kuchh to sharmao

ye tum baithe ho ya pahlu mein ham dushman ke baithe hain

nikalne hi nahin dete hain kante dasht-e-wahshat se

pakarne wale har janib mire daman ke baithe hain