اٹھنے کو تو اٹھا ہوں محفل سے تری لیکن

اٹھنے کو تو اٹھا ہوں محفل سے تری لیکن

اب دل کو یہ دھڑکا ہے جاؤں تو کدھر جاؤں

مرنا مری قسمت ہے مرنے سے نہیں ڈرتا

پیمانۂ ہستی کو لبریز تو کر جاؤں

تو اور مری ہستی میں اس طرح سما جائے

میں اور تری نظروں سے اس طرح اتر جاؤں

دنیائے محبت میں دشوار جو جینا ہے

مر کر ہی سہی آخر کچھ کام تو کر جاؤں

uthne ko to utha hun mahfil se tiri lekin

ab dil ko ye dharka hai jaun to kidhar jaun

marna miri qismat hai marne se nahin darta

paimana-e-hasti ko labrez to kar jaun

tu aur miri hasti mein is tarah sama jae

main aur tiri nazron se is tarah utar jaun

duniya-e-mohabbat mein dushwar jo jina hai

mar kar hi sahi akhir kuchh kam to kar jaun