اپنی ہستی خود ہم آغوش فنا ہو جائے گی

اپنی ہستی خود ہم آغوش فنا ہو جائے گی

موج دریا آب ساحل آشنا ہو جائے گی

تہ کا اندیشہ رہے گا پھر نہ ساحل کی ہوس

دل سے جب قطع امید بے وفا ہو جائے گی

شب کی شب بزم طرب ہے پردہ دار انقلاب

صبح تک آئینۂ عبرت نما ہو جائے گی

جان ایماں ہے ابھی وہ آنکھ شرمائی ہوئی

کیفیت میں ڈوب کر کیا جانے کیا ہو جائے گی

apni hasti khud ham aghosh-e-fana ho jaegi

mauj-e-dariya ab-e-sahil ashna ho jaegi

tah ka andesha rahega phir na sahil ki hawas

dil se jab qat-e-ummid-e-be wafa ho jaegi

shab ki shab bazm-e-tarab hai parda dar-e-inqilab

subh tak aina-e-ibrat numa ho jaegi

jan-e-iman hai abhi wo ankh sharmai hui

kaifiyat mein dub kar kya jane kya ho jaegi