اٹھائیں ہجر کی شب دل نے آفتیں کیا کیا

اٹھائیں ہجر کی شب دل نے آفتیں کیا کیا

امید وصل میں جھیلیں مصیبتیں کیا کیا

وہی ہے جام وہی مے وہی سبو لیکن

بدل گئی ہیں زمانے کی نیتیں کیا کیا

دبی زبان سے کرتے ہیں غیر در پردہ

تمہارے منہ پہ تمہاری شکایتیں کیا کیا

ستم میں لطف، جفا میں ادا نگاہ میں ناز

عتاب میں بھی ہیں پنہاں عنایتیں کیا کیا

کروں میں ان کی شکایت عزیزؔ جھوٹ غلط

گڑھی ہیں دل سے رقیبوں نے تہمتیں کیا کیا

uthaen hijr ki shab dil ne afaten kya kiya

ummid-e-wasl mein jhelen musibaten kya kiya

wahi hai jam wahi mai wahi subu lekin

badal gai hain zamane ki niyyaten kya kiya

dabi zaban se karte hain ghair dar parda

tumhare munh pe tumhari shikayaten kya kiya

sitam mein lutf, jafa mein ada nigah mein naz

itab mein bhi hain pinhan inayaten kya kiya

karun main un ki shikayat aziz jhut ghalat

garhi hain dil se raqibon ne tohmaten kya kiya