اپنے در سے جو اٹھاتے ہیں ہمیں

اپنے در سے جو اٹھاتے ہیں ہمیں

خاک میں آپ ملاتے ہیں ہمیں

ہے جو منظور جفا در پردہ

منہ وہ غیروں میں دکھاتے ہیں ہمیں

غیر کو پاس بٹھا رکھتے ہیں

جب کبھی آپ بلاتے ہیں ہمیں

گرمیاں غیر کو دکھلا دکھلا

بزم میں آپ جلاتے ہیں ہمیں

شب فرقت میں فلک کے تارے

داغ دل یاد دلاتے ہیں ہمیں

ان کے انداز سخن ہیں معلوم

غیر کو کہہ کے سناتے ہیں ہمیں

پھر کسی گل پہ ہوا دل مائل

داغ تازہ نظر آتے ہیں ہمیں

چھوڑ دیں آپ کی ہم راہی ہم

واہ کیا راہ بتاتے ہیں ہمیں

تو ہمیں راہ بتائے جس سے

غیر وہ راہ بتاتے ہیں ہمیں

عطر گل سے نہیں جب دل بھرتا

اپنا رومال سونگھاتے ہیں ہمیں

شب کو افسانۂ دل کہہ کے اثرؔ

آپ روتے ہیں رلاتے ہیں ہمیں

apne dar se jo uthate hain hamen

khak mein ap milate hain hamen

hai jo manzur jafa dar parda

munh wo ghairon mein dikhate hain hamen

ghair ko pas bitha rakhte hain

jab kabhi ap bulate hain hamen

garmiyan ghair ko dikhla dikhla

bazm mein ap jalate hain hamen

shab-e-furqat mein falak ke tare

dagh-e-dil yad dilate hain hamen

un ke andaz-e-sukhan hain maalum

ghair ko kah ke sunate hain hamen

phir kisi gul pe hua dil mail

dagh-e-taza nazar ate hain hamen

chhor den ap ki ham rahi ham

wah kya rah batate hain hamen

tu hamen rah batae jis se

ghair wo rah batate hain hamen

itr-e-gul se nahin jab dil bharta

apna rumal sunghite hain hamen

shab ko afsana-e-dil kah ke asar

ap rote hain rulate hain hamen