اپنے سے بے سمجھ کو حق کی کہاں پچھانت

اپنے سے بے سمجھ کو حق کی کہاں پچھانت

'من عَرَفَ' کو نہ بوجھا 'قد عَرَفَ' سوں جہالت

ہے فرض بوجھ اول اپنا پچھے خدا کو

بے بوجھ بندگی ہے سب رنج اور ملامت

جنت کی تو مزدوری بوجھا ہے بندگی کو

بخشش نہیں ہے ہرگز جز لطف اور عنایت

حرص و ہوا میں پڑ کر حق سوں ہوا ہے باطل

پھر مانگتا ہے جنت کیا نفس بد خصالت

بن قلب کی حضوری منظور کیوں پڑے گا

روزہ نماز رسمی سجدہ سجود طاعت

معبود کے مقابل عابد کو عبدیت ہے

غیبت میں چپ رجھانا کیا محض ہے خجالت

تن نفس اور دل روح سر نور ذات مل کر

اپنے میں حق کو پانا ہے افضل العبادت

بن پیر کے خدا کو پایا نہ کوئی ہرگز

کامل کو کیوں پچھانے بے صدق و بے ہدایت

نہیں ہے علیمؔ کو سچ تقویٰ عمل پہ اپنے

دیدار کا صنم کے کافی ہے استقامت

apne se be samajh ko haq ki kahan pachhant

'man arafa' ko na bujha 'qad arafa' sun jahalat

hai farz bojh awwal apna puchhe khuda ko

be bojh bandagi hai sab ranj aur malamat

jannat ki to mazduri bujha hai bandagi ko

bakhshish nahin hai hargiz juz lutf aur inayat

hirs-o-hawa mein par kar haq sun hua hai batil

phir mangta hai jannat kya nafas bad khasalat

ban qalb ki huzuri manzur kyun parega

roza namaz rasmi sajda sujud taat

maabud ke muqabil abid ko abdiyyat hai

ghibat mein chup rijhana kya mahz hai khijalat

tan nafas aur dil ruh sar nur-e-zat mil kar

apne mein haq ko pana hai afzal alabadat

ban pir ke khuda ko paya na koi hargiz

kamil ko kyun pachhane be sidq-o-be hidayat

nahin hai alim ko sach taqwa amal pe apne

didar ka sanam ke kafi hai istiqamat