اٹھا کے ناز سے دامن بھلا کدھر کو چلے
بھارتیندو ہریش چندراٹھا کے ناز سے دامن بھلا کدھر کو چلے
ادھر تو دیکھیے بہر خدا کدھر کو چلے
مری نگاہوں میں دونوں جہاں ہوئے تاریک
یہ آپ کھول کے زلف دوتا کدھر کو چلے
ابھی تو آئے ہو جلدی کہاں ہے جانے کی
اٹھو نہ پہلو سے ٹھہرو ذرا کدھر کو چلے
خفا ہو کس پہ بھنویں کیوں چڑھی ہیں خیر تو ہے
یہ آپ تیغ پہ دھر کر جلا کدھر کو چلے
مسافران عدم کچھ کہو عزیزوں سے
ابھی تو بیٹھے تھے ہے ہے بھلا کدھر کو چلے
چڑھی ہیں تیوریاں کچھ ہے مژہ بھی جنبش میں
خدا ہی جانے یہ تیغ ادا کدھر کو چلے
گیا جو میں کہیں بھولے سے ان کے کوچے میں
تو ہنس کے کہنے لگے ہیں رساؔ کدھر کو چلے
utha ke naz se daman bhala kidhar ko chale
idhar to dekhiye bahr-e-khuda kidhar ko chale
miri nigahon mein donon jahan hue tarik
ye ap khol ke zulf-e-duta kidhar ko chale
abhi to ae ho jaldi kahan hai jane ki
utho na pahlu se thahro zara kidhar ko chale
khafa ho kis pe bhunawin kyun charhi hain khair to hai
ye ap tegh pe dhar kar jala kidhar ko chale
musafiran-e-adam kuchh kaho azizon se
abhi to baithe the hai hai bhala kidhar ko chale
charhi hain tewriyan kuchh hai mizha bhi jumbish mein
khuda hi jane ye tegh-e-ada kidhar ko chale
gaya jo main kahin bhule se un ke kuche mein
tu hans ke kahne lage hain rasa kidhar ko chale