اپنی وہ بے ثبات ہستی ہے

اپنی وہ بے ثبات ہستی ہے

کہ سدا نیستی ہی ہنستی ہے

نام سنتے ہو جس کا ویرانہ

وہی سودائیوں کی بستی ہے

شمع سے ہاتھ کھینچ اے گل گیر

اتنی بھی کیا دراز دستی ہے

چشم وحدت سے گر کوئی دیکھے

بت پرستی بھی حق پرستی ہے

اپنے ابر مژہ سے اے ؔجوشش

جائے آب آگ ہی برستی ہے

apni wo be sabat hasti hai

ke sada nisti hi hansti hai

nam sunte ho jis ka wirana

wahi saudaiyon ki basti hai

shama se hath khinch ai gul gir

itni bhi kya daraz dasti hai

chashm-e-wahdat se gar koi dekhe

but parasti bhi haq parasti hai

apne abr-e-mizha se ai joshish

jae ab ag hi barasti hai