اپنے دیدار کی حسرت میں تو مجھ کو سراپا دل کر دے
Bedam Warsi (1876–1936)اپنے دیدار کی حسرت میں تو مجھ کو سراپا دل کر دے
ہر قطرۂ دل کو قیس بنا ہر ذرے کو محمل کر دے
دنیائے حسن و عشق مری کرنا ہے تو یوں کامل کر دے
اپنے جلوے میری حیرت نظارے میں شامل کر دے
یاں طور و کلیم نہیں نہ سہی میں حاضر ہوں لے پھونک مجھے
پردے کو اٹھا دے مکھڑے سے برباد سکون دل کر دے
گر قلزم عشق ہے بے ساحل اے خضر تو بے ساحل ہی سہی
جس موج میں ڈوبے کشتئ دل اس موج کو تو ساحل کر دے
اے درد عطا کرنے والے تو درد مجھے اتنا دے دے
جو دونوں جہاں کی وسعت کو اک گوشۂ دامن دل کر دے
ہر سو سے غموں نے گھیرا ہے اب ہے تو سہارا تیرا ہے
مشکل آساں کرنے والے آسان مری مشکل کر دے
بیدمؔ اس یاد کے میں صدقے اس درد محبت کے قرباں
جو جینا بھی دشوار کرے اور مرنا بھی مشکل کر دے
apne didar ki hasrat mein to mujh ko sarapa dil kar de
har qatra-e-dil ko qais bana har zarre ko mahmil kar de
duniya-e-husn-o-ishq miri karna hai to yun kamil kar de
apne jalwe meri hairat nazzare mein shamil kar de
yan tur-o-kalim nahin na sahi main hazir hun le phunk mujhe
parde ko utha de mukhre se barbad sukun-e-dil kar de
gar qulzum ishq hai be sahil ai khizar to be sahil hi sahi
jis mauj mein dube kashti-e-dil is mauj ko to sahil kar de
ai dard ata karne wale to dard mujhe itna de de
jo donon jahan ki wusat ko ik gosha-e-daman dil kar de
har su se ghamon ne ghera hai ab hai to sahara tera hai
mushkil asan karne wale asan miri mushkil kar de
bedam is yad ke main sadqe is dard-e-mohabbat ke qurban
jo jina bhi dushwar kare aur marna bhi mushkil kar de