ان کے پیکان پہ پیکان چلے آتے ہیں

ان کے پیکان پہ پیکان چلے آتے ہیں

دل میں گھر کرنے کو مہمان چلے آتے ہیں

دیکھ کر آئے ہیں کیا عارض و گیسو ان کے

لوگ حیران پریشان چلے آتے ہیں

چار انگل کا وہ پرچہ نہیں لکھتے مجھ کو

پاس اغیار کے فرمان چلے آتے ہیں

اپنی محفل میں مجھے دیکھ کے کہتا ہے وہ بت

کیوں مرے گھر میں مسلمان چلے آتے ہیں

بزم اغیار میں کس شخص نے گستاخی کی

کہ وہ خاموش پشیمان چلے آتے ہیں

دوش احباب یہ آگے ہے جنازہ میرا

پیچھے سر پیٹتے ارمان چلے آتے ہیں

کیا بتائیں کہ نسیمؔ آتے ہیں کیوں آپ کے گھر

مفت ہونے کو پشیمان چلے آتے ہیں

un ke paikan pe paikan chale ate hain

dil mein ghar karne ko mehman chale ate hain

dekh kar ae hain kya ariz-o-gesu un ke

log hairan pareshan chale ate hain

char ungal ka wo parcha nahin likhte mujh ko

pas aghyar ke farman chale ate hain

apni mahfil mein mujhe dekh ke kahta hai wo but

kyun mire ghar mein musalman chale ate hain

bazm-e-aghyar mein kis shakhs ne gustakhi ki

ke wo khamosh pasheman chale ate hain

dosh ahbab ye age hai janaza mera

pichhe sar pitte arman chale ate hain

kya bataen ke nasim ate hain kyun ap ke ghar

muft hone ko pasheman chale ate hain