اوروں کی طرح سے اب نہ ٹالو

اوروں کی طرح سے اب نہ ٹالو

ہم کو اپنے گلے لگا لو

گالی نہ دیا کرو کسی کو

بس بس اپنی زباں سنبھالو

غرفے میں سے جھانک پاس اپنے

غیروں کو ہنسی خوشی بلا لو

اور ہم سے ہزار حیف پیارے

منہ کو شرما کے یوں چھپا لو

ہے قافلہ عمر کا روانہ

رخت اپنا مسافرو سنبھالو

بت خانے کی راہ کو سلیمانؔ

چھوڑو تم اور رہ خدا لو

auron ki tarah se ab na talo

ham ko apne gale laga lo

gali na diya karo kisi ko

bas bas apni zaban sambhalo

ghurfe mein se jhank pas apne

ghairon ko hansi khushi bala lo

aur ham se hazar haif pyare

munh ko sharma ke yun chhupa lo

hai qafila umr ka rawana

rakht apna musafiro sambhalo

but khane ki rah ko sulaiman

chhoro tum aur rah khuda lo