ان کی ٹھوکر میں شرارت ہوگی
عزیز حیدرآبادیان کی ٹھوکر میں شرارت ہوگی
فتنے اٹھیں گے قیامت ہوگی
کج ادائی کی تلافی کیوں ہو
مہربانی تو مصیبت ہوگی
میری فرصت کا ٹھکانا کیا ہے
آپ کو بھی کبھی فرصت ہوگی
وہ نہ ہوں گے تو نہ ہوگا کچھ بھی
دیکھنے کے لئے جنت ہوگی
کیا خبر تھی دم رخصت یہ عزیزؔ
شکر کے بدلے شکایت ہوگی
un ki thokar mein shararat hogi
fitne uthenge qayamat hogi
kaj adai ki talafi kyun ho
mehrbani to musibat hogi
meri fursat ka thikana kya hai
ap ko bhi kabhi fursat hogi
wo na honge to na hoga kuchh bhi
dekhne ke liye jannat hogi
kya khabar thi dam-e-rukhsat ye aziz
shukr ke badle shikayat hogi