انجمؔ اگر نہیں در دل دار تک پہنچ

انجمؔ اگر نہیں در دل دار تک پہنچ

ہو جائے کاش روزن دیوار تک پہنچ

جاتا ہے کوئی کعبے کو اور کوئی سوئے دیر

مجھ رند کی ہے خانۂ خمار تک پہنچ

نالے کی نارسائی نے عاجز کیا ہمیں

ہو جاتی ورنہ آپ کی سرکار تک پہنچ

یہ کیا ہے بیٹھا باتیں بناتا ہے دور سے

عیسیٰ اگر بنا ہے تو بیمار تک پہنچ

لے جائے گی بہا کے کبھی سیل چشم تر

انجمؔ کبھی تو ہوگی در یار تک پہنچ

anjum agar nahin dar-e-dil dar tak pahunch

ho jae kash rauzan-e-diwar tak pahunch

jata hai koi kaabe ko aur koi su-e-dair

mujh rind ki hai khana-e-khumar tak pahunch

nale ki narasai ne ajiz kiya hamen

ho jati warna ap ki sarkar tak pahunch

ye kya hai baitha baten banata hai dur se

isa agar bana hai to bimar tak pahunch

le jaegi baha ke kabhi sail-e-chashm-e-tar

anjum kabhi to hogi dar-e-yar tak pahunch