اور عشرت کی تمنا کیا کریں

اور عشرت کی تمنا کیا کریں

سامنے تو ہو تجھے دیکھا کریں

محو ہو جائیں تصور میں ترے

ہم بھی اپنے قطرے کو دریا کریں

ہم کو ہے ہر روز ہر وقت انتظار

بندہ پرور گاہ گاہ آیا کریں

چارہ گر کا چاہیئے کرنا علاج

اس کو بھی اپنا سا دیوانہ کریں

ان کے آنے کا بھروسا ہو نہ ہو

راہ ہم ان کی مگر دیکھا کریں

ہم نہیں ناواقف رسم ادب

دل کی بیتابی کو وحشتؔ کیا کریں

aur ishrat ki tamanna kya karen

samne to ho tujhe dekha karen

mahw ho jaen tasawwur mein tire

ham bhi apne qatre ko dariya karen

ham ko hai har roz har waqt-e-intizar

banda parwar gah gah aya karen

chara gar ka chahiye karna ilaj

us ko bhi apna sa diwana karen

un ke ane ka bharosa ho na ho

rah ham un ki magar dekha karen

ham nahin nawaqif-e-rasm-e-adab

dil ki betabi ko wahshat kya karen