ان کا جلوہ نہیں دیکھا جاتا

ان کا جلوہ نہیں دیکھا جاتا

دیکھ دیکھا نہیں دیکھا جاتا

قتل کرنے کی وہ جلدی تھی تمہیں

اب تڑپنا نہیں دیکھا جاتا

چشم خوں بار خدا رحم کرے

تیرا رونا نہیں دیکھا جاتا

الفت ان کی نہیں چھوڑی جاتی

حال دل کا نہیں دیکھا جاتا

دیکھنے ہی کے لئے ہیں آنکھیں

ان سے کیا کیا نہیں دیکھا جاتا

پر تری برق تجلی کا جمال

خوب دیکھا نہیں دیکھا جاتا

نامہ پورا وہ حسنؔ کیا دیکھیں

نام پورا نہیں دیکھا جاتا

un ka jalwa nahin dekha jata

dekh dekha nahin dekha jata

qatl karne ki wo jaldi thi tumhen

ab tarapna nahin dekha jata

chashm-e-khun bar-e-khuda rahm kare

tera rona nahin dekha jata

ulfat un ki nahin chhori jati

hal-e-dil ka nahin dekha jata

dekhne hi ke liye hain ankhen

un se kya kya nahin dekha jata

par tiri barq-e-tajalli ka jamal

khub dekha nahin dekha jata

nama pura wo husn kya dekhen

nam pura nahin dekha jata