انتہا صبر آزمائی کی
قربان علی سالک بیگانتہا صبر آزمائی کی
ہے درازی شب جدائی کی
ہے برائی نصیب کی کہ مجھے
تم سے امید ہے بھلائی کی
نقش ہے سنگ آستاں پہ ترے
داستاں اپنی جبہ سائی کی
تم سے کچھ مل کے خوش ہوا ہوں کہ ہوں
دہر میں حسرت آشنائی کی
ہے فغاں بعد امتحان فغاں
پھر شکایت ہے نارسائی کی
کیا نہ کرتا وصال شادیٔ مرگ
تم نے کیوں مجھ سے کج ادائی کی
راز کھلتے گئے مرے سب پر
جس قدر اس نے خود نمائی کی
کتنے عاجز ہیں ہم کہ پاتے ہیں
بندے بندے میں لو خدائی کی
رہ گئیں دل میں حسرتیں سالکؔ
آ گئی عمر پارسائی کی
intiha sabr azmai ki
hai darazi-e-shab judai ki
hai burai nasib ki ke mujhe
tum se ummid hai bhalai ki
naqsh hai sang-e-astan pe tire
dastan apni jubba sai ki
tum se kuchh mil ke khush hua hun ke hun
dahr mein hasrat ashnai ki
hai fughan baad imtihan-e-fughan
phir shikayat hai narasai ki
kya na karta wisal shadi-e-marg
tum ne kyun mujh se kaj adai ki
raz khulte gae mire sab par
jis qadar us ne khud numai ki
kitne ajiz hain ham ke pate hain
bande bande mein lo khudai ki
rah gain dil mein hasraten salik
a gai umr parsai ki