ان کی خلوت میں رساؔ بھی ہوگا

ان کی خلوت میں رساؔ بھی ہوگا

کبھی یوں حکم خدا بھی ہوگا

مجھ پہ جو تو نے ستم ڈھایا ہے

کہیں دنیا میں ہوا بھی ہوگا

صبر والوں کا بھی دن آئے گا

ایک دن روز جزا بھی ہوگا

آپ سا کوئی نہیں دنیا میں

آپ نے یہ تو سنا بھی ہوگا

محفل شعر میں ہو آئیں چلو

آج سنتے ہیں رساؔ بھی ہوگا

un ki khalwat mein rasa bhi hoga

kabhi yun hukm-e-khuda bhi hoga

mujh pe jo tu ne sitam dhaya hai

kahin duniya mein hua bhi hoga

sabr walon ka bhi din aega

ek din roz-e-jaza bhi hoga

ap sa koi nahin duniya mein

ap ne ye to suna bhi hoga

mahfil-e-sher mein ho aen chalo

aj sunte hain rasa bhi hoga