ان کی چٹکی میں دل نہ مل جاتا

ان کی چٹکی میں دل نہ مل جاتا

تو یہ سکہ ہمارا چل جاتا

شمع تھا یار جو پگھل جاتا

اور میں پروانہ تھا جو جل جاتا

کیا کہیں سیر کو وہ گل نہ گیا

باغ کا رنگ ہی بدل جاتا

گور ہی سے نہ بن پڑی ورنہ

اژدہا تو ہمیں نگل جاتا

اب تو پستاں نکالئے صاحب

اتنے سن میں انار پھل جاتا

صدمے گھیرے ہیں ہجر میں دم کو

سانس پاتا تو یہ نگل جاتا

کیا گراتا سخیؔ یہ چرخ مجھے

یا علیؔ کہتا اور سنبھل جاتا

un ki chutki mein dil na mil jata

to ye sikka hamara chal jata

shama tha yar jo pighal jata

aur main parwana tha jo jal jata

kya kahen sair ko wo gul na gaya

bagh ka rang hi badal jata

gor hi se na ban pari warna

azhdaha to hamen nigal jata

ab to pistan nikaliye sahab

itne sun mein anar phal jata

sadme ghere hain hijr mein dam ko

sans pata to ye nigal jata

kya girata sakhi ye charkh mujhe

ya ali kahta aur sambhal jata