اصلاح اہل ہوش کا یارا نہیں ہمیں

اصلاح اہل ہوش کا یارا نہیں ہمیں

اس قوم پر خدا نے اتارا نہیں ہمیں

ڈھونڈیں کہاں سحر کو تمہیں اے غزال شب

اب نام بھی تو یاد تمہارا نہیں ہمیں

اب کیا سنور سکیں گے ہم آوارگان عشق

صدیوں کے جبر نے تو سنوارا نہیں ہمیں

ہاتھوں میں ہے ہمارے گریبان کائنات

لیکن ابھی جنوں کا اشارا نہیں ہمیں

ڈھونڈو کوئی نئی روش شاعری ظفرؔ

اسلوب دوسروں کا گوارا نہیں ہمیں

islah ahl-e-hosh ka yara nahin hamen

is qaum par khuda ne utara nahin hamen

dhunden kahan sahar ko tumhen ai ghazal-e-shab

ab nam bhi to yad tumhara nahin hamen

ab kya sanwar sakenge ham awargan ishq

sadiyon ke jabr ne to sanwara nahin hamen

hathon mein hai hamare gareban-e-kainat

lekin abhi junun ka ishara nahin hamen

dhundo koi nai rawish-e-shayari zafar

uslub dusron ka gawara nahin hamen