اعتبار نظر کریں کیسے
باقی صدیقیاعتبار نظر کریں کیسے
ہم ہوا میں بسر کریں کیسے
تیرے غم کے ہزار پہلو ہیں
بات ہم مختصر کریں کیسے
رخ ہوا کا بدلتا رہتا ہے
گرد بن کر سفر کریں کیسے
خود سے آگے قدم نہیں جاتا
مرحلہ دل کا سر کریں کیسے
ساری دنیا کو ہے خبر باقیؔ
خود کو اپنی خبر کریں کیسے
etibar-e-nazar karen kaise
ham hawa mein basar karen kaise
tere gham ke hazar pahlu hain
bat ham mukhtasar karen kaise
rukh hawa ka badalta rahta hai
gard ban kar safar karen kaise
khud se age qadam nahin jata
marhala dil ka sar karen kaise
sari duniya ko hai khabar baqi
khud ko apni khabar karen kaise