اشک غم عقدہ کشائے خلش جاں نکلا

اشک غم عقدہ کشائے خلش جاں نکلا

جس کو دشوار میں سمجھا تھا وہ آساں نکلا

کس قدر دست جنوں بے سروساماں نکلا

تجھ میں اک تار نہ اے چاک گریباں نکلا

اف وہ تقدیر جو تدبیر کی پابند رہی

حیف وہ درد جو منت کش درماں نکلا

خاک ہو کر بھی رہا جلوہ طرازی کا دماغ

میرا ہر ذرۂ دل طور بداماں نکلا

الاماں وہ خلش جاں جو مٹائے نہ مٹی

ہائے وہ دم جو بصد کاوش پنہاں نکلا

ashk-e-gham uqda kusha-e-khalish-e-jan nikla

jis ko dushwar mein samjha tha wo asan nikla

kis qadar dast-e-junun be sarwisaman nikla

tujh mein ik tar na ai chak-e-gareban nikla

uf wo taqdir jo tadbir ki paband rahi

haif wo dard jo minnat kash-e-darman nikla

khak ho kar bhi raha jalwa tarazi ka dimagh

mera har zarra-e-dil tur badaman nikla

alaman wo khalish-e-jan jo mitae na mitti

hae wo dam jo basad kawish-e-pinhan nikla