اشک گلگوں کو نہ خون شہدا کو دیکھا

اشک گلگوں کو نہ خون شہدا کو دیکھا

شوخ جیسا کہ ترے رنگ حنا کو دیکھا

تجھ کو دیکھا نہ ترے ناز و ادا کو دیکھا

تیری ہر طرز میں اک شان خدا کو دیکھا

ہیں تجھے دیکھ کے حوران بہشتی بیتاب

یا ترے کشتۂ انداز و ادا کو دیکھا

تشنۂ آب دم تیغ نے پینا کیسا

آنکھ اٹھا کر نہ کبھی آب بقا کو دیکھا

مجھے کافر ہی بتانا ہے یہ واعظ کمبخت

میں نے بندوں میں کئی بار خدا کو دیکھا

نکہت زلف معنبر کو چمن میں پایا

آتے جاتے ترے کوچے میں صبا کو دیکھا

مائلؔ ایمان ہے بالغیب ہمیں لوگوں کا

کہ پیمبر کو ہے دیکھا نہ خدا کو دیکھا

ashk-e-gulgun ko na khun-e-shuhada ko dekha

shokh jaisa ke tire rang-e-hina ko dekha

tujh ko dekha na tire naz-o-ada ko dekha

teri har tarz mein ik shan-e-khuda ko dekha

hain tujhe dekh ke huran-e-bahishti betab

ya tire kushta-e-andaz-o-ada ko dekha

tishna-e-ab-e-dam-e-tegh ne pina kaisa

ankh utha kar na kabhi ab-e-baqa ko dekha

mujhe kafir hi batana hai ye waiz kambakht

main ne bandon mein kai bar-e-khuda ko dekha

nikhat-e-zulf-e-muambar ko chaman mein paya

ate jate tire kuche mein saba ko dekha

mail iman hai bilghaib hamen logon ka

ke payambar ko hai dekha na khuda ko dekha