اسیری بے مزہ لگتی ہے بن صیاد کیا کیجے

اسیری بے مزہ لگتی ہے بن صیاد کیا کیجے

قفس کے کنج میں تنہا عبث فریاد کیا کیجے

مری تمکیں گئی مثل جرس برباد کیا کیجے

کہ میں تو چپ ہوں پر کرتا ہے دل فریاد کیا کیجے

اثر کرتا نہیں بن سجدۂ تسلیم کے نالہ

ہم اس مصرع پہ غیر از حلقۂ قد صاد کیا کیجے

کنار بے ستوں میں کیوں دیا نقش اپنے دلبر کا

تبھی فرہاد دنیا سے گیا ناشاد کیا کیجے

پٹکتا سر جو سنگ صورت شیریں سے بہتر تھا

عبث تیشے کے سر خوں دے گیا فرہاد کیا کیجے

asiri be maza lagti hai ban sayyad kya kije

qafas ke kunj mein tanha abas fariyad kya kije

miri tamkin gai misl-e-jaras barbad kya kije

ke main to chup hun par karta hai dil fariyad kya kije

asar karta nahin ban sajda-e-taslim ke nala

ham is misra pe ghair az halqa-e-qad sad kya kije

kanar-e-be sutun mein kyun diya naqsh apne dilbar ka

tabhi farhad duniya se gaya nashad kya kije

patakta sar jo sang-e-surat-e-shirin se behtar tha

abas teshe ke sar khun de gaya farhad kya kije