ان سے دو آنکھ سے آنسو بھی بہائے نہ گئے

ان سے دو آنکھ سے آنسو بھی بہائے نہ گئے

قبر عاشق کے نشاں بھی تو مٹائے نہ گئے

ہم مٹے بھی تو مٹے خاک جو حسرت نہ مٹی

ہم گئے بھی تو گئے کیا جو بلائے نہ گئے

بزم دشمن میں ابھی تھے ابھی اپنے گھر میں

آ کے یوں بیٹھے کہ جیسے کہیں آئے نہ گئے

برق کہئے کہ چھلاوا جو چمک دکھلا کر

اس طرح آئے کہ آئے بھی اور آئے نہ گئے

ہیں وہ عاشقؔ کہ جگہ پا کے نہ نکلے دل سے

یاد آئے تو جنوں مجھ سے بھلائے نہ گئے

un se do ankh se ansu bhi bahae na gae

qabr ashiq ke nishan bhi to mitae na gae

ham mite bhi to mite khak jo hasrat na mitti

ham gae bhi to gae kya jo bulae na gae

bazm-e-dushman mein abhi the abhi apne ghar mein

a ke yun baithe ke jaise kahin ae na gae

barq kahiye ke chhalawa jo chamak dikhla kar

is tarah ae ke ae bhi aur ae na gae

hain wo ashiq ke jagah pa ke na nikle dil se

yad ae to junun mujh se bhulae na gae