امید ہے کہ مجھ کو خدا آدمی کرے

امید ہے کہ مجھ کو خدا آدمی کرے

پر آدمی کرے تو بھلا آدمی کرے

اس طرح وہ فریب سے دل لے گئے مرا

جس طرح آدمی سے دغا آدمی کرے

بھاتیں نہیں کچھ اس کے نکلتی ہے اپنی جان

کیا ایسے بے وفا سے وفا آدمی کرے

مارا ہے کوہ کن نے سر اپنے پہ تیشہ آہ

دل کو لگی ہو چوٹ تو کیا آدمی کرے

گر کچھ کہا بگڑ کے میں بس اس نے ہنس دیا

کیا ایسے آدمی کا گلا آدمی کرے

گزرا میں ایسی چاہ سے تا چند ہم نشیں

بیٹھا کسی کے سر کو لگا آدمی کرے

ہے عشق بد مرض کوئی جاتا ہے منتظرؔ

کیا خاک اس مرض کی دوا آدمی کرے

ummid hai ke mujh ko khuda admi kare

par admi kare to bhala admi kare

is tarah wo fareb se dil le gae mira

jis tarah admi se dagha admi kare

bhaten nahin kuchh us ke nikalti hai apni jan

kya aise be wafa se wafa admi kare

mara hai koh kin ne sar apne pe tesha ah

dil ko lagi ho chot to kya admi kare

gar kuchh kaha bigar ke main bas us ne hans diya

kya aise admi ka gila admi kare

guzra mein aisi chah se ta chand ham nashin

baitha kisi ke sar ko laga admi kare

hai ishq bad maraz koi jata hai muntazir

kya khak is maraz ki dawa admi kare