الٰہی بلبل گل زار معنی کر لساں میرا

الٰہی بلبل گل زار معنی کر لساں میرا

برنگ ابر نیسانی سخن گوہر فشاں میرا

سنے پر ہوویں عشاقاں یہ معنی رمز سوں سرمست

لے جاویں فیض غواص حقیقت حق رساں میرا

لطافت گلبن حسن جہاں آرا سمجھ اے دل

ہوا ہے زلف اور رخسار جاناں آشیاں میرا

دیا ہے آب و تاب چشم دانہ خال عارض کا

کہو سب اس کو اب قاتل ہے یا رب دلستاں میرا

ہوا ہے منظر چشم نظر منظور عشاقاں

در و دیوار سوں دستا نشان بے نشاں میرا

علیمؔ اللہ خموش اب رمز اسرار الٰہی کا

سمجھتا ہے کہاں ہر شخص مستی کا بیاں میرا

ilahi bulbul-e-gul zar maani kar lassan mera

barang-e-abr-e-naisani sukhan gauhar fishan mera

sune par howen ushshaqan ye maani ramz sun sarmast

le jawen faiz-e-ghawwas-e-haqiqat haq rasan mera

latafat gulban husn-e-jahan ara samajh ai dil

hua hai zulf aur rukhsar janan ashiyan mera

diya hai ab-o-tab-e-chashm-e-dana khal ariz ka

kaho sab us ko ab qatil hai ya rab dilsitan mera

hua hai manzar-e-chashm-e-nazar manzur ushshaqan

dar-o-diwar sun dista nishan-e-be nishan mera

alim allah khamosh ab ramz-e-asrar-e-ilahi ka

samajhta hai kahan har shakhs masti ka bayan mera