ان دنوں وہ ادھر نہیں آتا — جوشش عظیم آبادی (Joshish Azimabadi)

ان دنوں وہ ادھر نہیں آتا

اپنا جینا نظر نہیں آتا

اس کی وعدہ خلافیاں دیکھو

آنے کہتا ہے بے پر نہیں آتا

گھر بہ گھر تو پڑا پھرے ہے تو

آہ کیوں میرے گھر نہیں آتا

قاصد اس بے وفا سے یوں کہنا

لکھ تو کچھ بھیج گر نہیں آتا

گو کہ رہتا ہے یہ جرس نالاں

میرے نالوں سے پر نہیں آتا

یار راتوں کو تیرے کوچے میں

کب یہ خستہ جگر نہیں آتا

اور کہتے نہیں رقیب اسے

لب کچھ مجھ کو ڈر نہیں آتا

کس لئے ؔجوشش اتنی نالہ کشی

کچھ اثر تو نظر نہیں آتا