اسی عاشقی میں پیہم ہوئی خانماں خرابی

اسی عاشقی میں پیہم ہوئی خانماں خرابی

دل مبتلا کی اب تک ہے وہی جنوں مآبی

رہے سوز عشق لیکن گئے ہوش پھر نہ آئیں

وہ تجلیوں سے پر ہے تری چشم کی گلابی

ہمیں تم اب اپنی محفل میں بلا کے کیا کروگے

نہ وہ جوش باریابی نہ وہ ہوش کامیابی

جو سنے تو داد ممکن ہے مگر بھلا سنے کیوں

میری بے بسی کے شکوے ترا حسن لاجوابی

مگر اتنی سادگی بھی تو بجائے خود ادا ہے

بہ خیال پردہ داری بہ جمال آفتابی

مری آرزو نگاہی نے ستم کیا سکھا کر

ترے اس شباب رنگیں کو مذاق بے حجابی

کوئی ہوشیار کیونکر اسے دلبری میں جانے

یہ نظر کہ جو بظاہر ہے شعاع نیم خوابی

نہ سہی سہاؔ کہ عالم پہ ہو آشکار ورنہ

مری خاکساریوں میں ہے شکوۂ بو ترابی

isi ashiqi mein paiham hui khanuman kharabi

dil-e-mubtala ki ab tak hai wahi junun maabi

rahe soz-e-ishq lekin gae hosh phir na aen

wo tajalliyon se par hai tiri chashm ki gulabi

hamen tum ab apni mahfil mein bala ke kya karoge

na wo josh-e-baryabi na wo hosh kamyabi

jo sune to dad mumkin hai magar bhala sune kyun

meri be basi ke shikwe tira husn lajawabi

magar itni sadgi bhi to bajae khud ada hai

ba khayal parda dari ba jamal-e-aftabi

miri arzu nigahi ne sitam kiya sikha kar

tire is shabab-e-rangin ko mazaq-e-be hijabi

koi hoshyar kyunkar use dilbari mein jane

ye nazar ke jo bazahir hai shua-e-nim khwabi

na sahi saha ke alam pe ho ashkar warna

miri khaksariyon mein hai shikwa-e-bu turabi