اس کی تو ایک دل لگی اپنا بنا کے چھوڑ دے
Arzoo Lakhnavi (1873–1951)اس کی تو ایک دل لگی اپنا بنا کے چھوڑ دے
جائے وہ اب کہاں جسے سب سے چھڑا کے چھوڑ دے
کھیل نہیں ہے بد گماں قول و قرار بھولنا
پھر سے آزما کے دیکھ یاد دلا کے چھوڑ دے
نبھ چکا زندگی کا ساتھ جب یہ ابھی سے حال ہے
بوجھ بٹانے والا ہی بیچ میں لا کے چھوڑ دے
اس سے کہیں تو کیا کہیں جس کے مزاج میں یہ ضد
جب نہ لگی بجھا سکے آگ لگا کے چھوڑ دے
راہ طویل پاؤں شل اور یہ ہم سفر کا حال
لے تو چلے سنبھال کے بیچ میں لا کے چھوڑ دے
us ki to ek dil lagi apna bana ke chhor de
jae wo ab kahan jise sab se chhura ke chhor de
khel nahin hai bad guman qaul-o-qarar bhulna
phir se azma ke dekh yad dila ke chhor de
nibh chuka zindagi ka sath jab ye abhi se hal hai
bojh batane wala hi bich mein la ke chhor de
us se kahin to kya kahen jis ke mizaj mein ye zid
jab na lagi bujha sake ag laga ke chhor de
rah tawil paon shil aur ye ham safar ka hal
le to chale sambhal ke bich mein la ke chhor de