اسیران قفس صحن چمن کو یاد کرتے ہیں

اسیران قفس صحن چمن کو یاد کرتے ہیں

بھلا بلبل پہ یوں بھی ظلم اے صیاد کرتے ہیں

کمر کا تیرے جس دم نقش ہم ایجاد کرتے ہیں

تو جاں فرمان آ کر معنی و بہزاد کرتے ہیں

پس مردن تو رہنے دے زمیں پر اے صبا مجھ کو

کہ مٹی خاکساروں کی نہیں برباد کرتے ہیں

دم رفتار آتی ہے صدا پازیب سے تیری

لحد کے خستگاں اٹھو مسیحا یاد کرتے ہیں

قفس میں اب تو اے صیاد اپنا دل تڑپتا ہے

بہار آئی ہے مرغان چمن فریاد کرتے ہیں

بتا دے اے نسیم صبح شاید مر گیا مجنوں

یہ کس کے پھول اٹھتے ہیں جو گل فریاد کرتے ہیں

مثل سچ ہے بشر کی قدر نعمت بعد ہوتی ہے

سنا ہے آج تک ہم کو بہت وہ یاد کرتے ہیں

لگایا باغباں نے زخم کاری دل پہ بلبل کے

گریباں چاک غنچے ہیں تو گل فریاد کرتے ہیں

رساؔ آگے نہ لکھ اب حال اپنی بے قراری کا

برنگ غنچہ لب مضموں ترے فریاد کرتے ہیں

asiran-e-qafas sehn-e-chaman ko yad karte hain

bhala bulbul pe yun bhi zulm ai sayyad karte hain

kamar ka tere jis dam naqsh ham ijad karte hain

tu jan farman a kar maani-o-behzad karte hain

pas murdan to rahne de zamin par ai saba mujh ko

ke mitti khaksaron ki nahin barbad karte hain

dam-e-raftar ati hai sada pazeb se teri

lahad ke khissatgan utho masiha yad karte hain

qafas mein ab to ai sayyad apna dil tarapta hai

bahar ai hai murghan-e-chaman fariyad karte hain

bata de ai nasim-e-subh shayad mar gaya majnun

ye kis ke phul uthte hain jo gul fariyad karte hain

misl-e-sach hai bashar ki qadr nemat baad hoti hai

suna hai aj tak ham ko bahut wo yad karte hain

lagaya baghban ne zakhm-e-kari dil pe bulbul ke

gareban chak ghunche hain to gul fariyad karte hain

rasa age na likh ab hal apni be qarari ka

barang-e-ghuncha lab mazmun tire fariyad karte hain