اس گل کو بھیجنا ہے مجھے خط صبا کے ہاتھ

اس گل کو بھیجنا ہے مجھے خط صبا کے ہاتھ

اس واسطے لگا ہوں چمن کی ہوا کے ہاتھ

برگ حنا اوپر لکھو احوال دل مرا

شاید کہ جا لگے وہ کسی میرزا کے ہاتھ

آزاد ہو رہا ہوں دو عالم کی قید سے

مینا لگا ہے جب سے کہ کچھ بے نوا کے ہاتھ

مرتا ہوں میرزائی گل دیکھ ہر سحر

سورج کے ہاتھ چونری تو پنکھا صبا کے ہاتھ

مظہرؔ چھپا کے رکھ دل نازک کو اپنے تو

یہ شیشہ بیچنا ہے کسی میرزا کے ہاتھ

us gul ko bhejna hai mujhe khat saba ke hath

is waste laga hun chaman ki hawa ke hath

barg-e-hina upar likho ahwal-e-dil mira

shayad ke ja lage wo kisi mirza ke hath

azad ho raha hun do alam ki qaid se

mina laga hai jab se ke kuchh be nawa ke hath

marta hun mirzai gul dekh har sahar

suraj ke hath chaunri to pankha saba ke hath

mazhar chhupa ke rakh dil-e-nazuk ko apne to

ye shisha bechna hai kisi mirza ke hath